Azərbaycan əsas tədarük bazarından toyuq ətinin alışını 46 % artırıb

Bu ilin yanvar-mart aylarında Azərbaycan 10,64 milyon ABŞ dolları dəyərində 6 min 559 ton toyuq əti (təzə və ya soyudulmuş, dondurulmuş) idxal edib.

Paraqraf.com-un Dövlət Statistika Komitəsinin məlumatları əsasında apardığı hesablamalarına əsasən, bu, 2025-ci ilin eyni dövrünün göstəricisindən dəyər ifadəsində 12 %, kəmiyyət olaraq – 15 % azdır.

Hesabat dövründə Azərbaycana Ukraynadan 8,3 milyon ABŞ dolları dəyərində (1 il əvvəlki göstəricidən 40 % çox) 5 min 227 ton (+46 %), Rusiyadan 970 min ABŞ dolları dəyərində (-72 %) 583 ton (-73 %), Belarusdan 598 min ABŞ dolları dəyərində (-63 %) 363 ton (-76 %), Özbəkistandan 391 min ABŞ dolları dəyərində (-22 %) 147 ton (-18 %), Çindən 359 min ABŞ dolları dəyərində 219 ton (1 il əvvəl tədarük olmayıb) məhsul gətirilib.

2025-ci ildə Azərbaycana idxal edilmiş 26 min 522 ton toyuq ətinin 45 %-i Ukraynanın, 25 %-i Rusiyanın payına düşüb.

 

Paraqraf.com