Livanın cənubunda hava hücumu nəticəsində ölənlərin sayı altı nəfərə çatıb

Livanın cənubundakı Nəbatiyyə əyalətinin Haruf qəsəbəsində mülki müdafiə mərkəzinə İsrailin endirdiyi zərbə nəticəsində ölənlərin sayı altıya çatıb.

Paraqraf.com xəbər verir ki, bu barədə şənbə günü Livanın Milli Xəbər Agentliyi (NNA) məlumat yayıb.

“İsrail düşməninin Nəbatiyyə dairəsinin Haruf qəsəbəsindəki Mülki Müdafiə İslam Tibb Assosiasiyasının mərkəzinə endirdiyi zərbə altı nəfərin ölümünə səbəb olub, onların arasında üç tibb işçisi var”, – deyə nəşr bildirib.

Qeyd olunub ki, zərbə nəticəsində 22 nəfər yaralanıb.

Daha əvvəl üç nəfərin həlak olduğu və bir nəfərin xəsarət aldığı barədə məlumat verilmişdi.

 

Paraqraf.com