Banqkokda qatar avtobus və avtomobillərlə toqquşub, 8 nəfər ölüb
Tailandın paytaxtı Banqkokda dəmir yolu keçidində yük qatarının sərnişin avtobusu və minik avtomobilləri ilə toqquşması nəticəsində 8 nəfər ölüb.
Paraqraf.com TASS-a istinadən xəbər verir ki, bu barədə “Thairath” qəzeti məlumat yayıb.
Bildirilib ki, avtomobillər keçiddə dayanarkən qatar onları vurub. Qəza nəticəsində avtobus və minik avtomobili yanıb, alov sürətlə yayılaraq təxminən daha 10 maşını bürüyüb.
Məlumata görə, yaralılara yardım göstərilib.
Paraqraf.com
