Slovakiya Avropa bazarında Azərbaycanın etibarlı tərəfdaşı olaraq qalır.
Paraqraf.com-un məlumatına görə, bunu Slovakiya parlamentinin spikeri Rixard Raşi Bakıda Milli Məclisin sədri Sahibə Qafarova ilə birgə mətbuat konfransında bildirib.
Onun sözlərinə görə, Slovakiya və Azərbaycan strateji tərəfdaşlardır, iki ölkə arasında münasibətlərin inkişafı davamlı dinamika nümayiş etdirir.
“Bugünkü hadisələr iqtisadi, parlamentlərarası və humanitar münasibətlərimizin fəal şəkildə inkişaf etdiyini açıq şəkildə nümayiş etdirdi”, – Raşi qeyd edib.
“Slovakiya Avropa arenasında Azərbaycanın etibarlı və balanslı tərəfdaşı olaraq qalır və biz gələcəkdə bu tərəfdaşlığı fəal şəkildə inkişaf etdirməyə davam etmək niyyətindəyik”, – o vurğulayıb.
Slovakiya parlamentinin spikeri həmçinin bildrib ki, səfər çərçivəsində bərpa işlərinin gedişi ilə şəxsən tanış olmaq üçün yenidən Qarabağa gedəcək.
Paraqraf.com
