Bu gün səhər saatlarında Bakıdan Kürdəmir istiqamətində uzun fasilədən sonra ilk sərnişin qatarı hərəkətə başladı. Tarixi səfərin ilk sərnişinləri isə media nümayəndələri oldu.
Bu hadisə Kürdəmir istiqamətində sərnişindaşımanın bərpası üçün aparılan genişmiqyaslı hazırlıq işlərinin son mərhələsi kimi qiymətləndirilir. Mütəxəssislər bildirir ki, bu addım regionlarla paytaxt arasında nəqliyyat əlaqələrinin gücləndirilməsində mühüm rol oynayacaq.
Rəsmi məlumata görə, sərnişin məmnuniyyətinin artırılması və bölgələrdə nəqliyyat əlçatanlığının təmin edilməsi məqsədilə 18 aprel 2026-cı il tarixindən etibarən Kürdəmir dəmiryol stansiyası yenidən sərnişinlərin istifadəsinə veriləcək.
Yeni marşrutun açılması həm yerli sakinlər, həm də səfər edənlər üçün daha rahat və əlçatan nəqliyyat imkanı yaradacaq.
Paraqraf.com
