Martın 24-də Sumqayıt şəhərində genişmiqyaslı qaz kəsintisi baş verəcək. Məlumata görə, aparılacaq təmir-bərpa işləri ilə əlaqədar olaraq səhər saat 10:00-dan etibarən bir sıra ərazilərdə qaz təchizatı müvəqqəti dayandırılacaq.
Azəriqaz İstehsalat Birliyi Sumqayıt QİS-dən bildirilib ki, fasilə Yaşıldərə və Ceyranbatan qəsəbələri, Qurd dərəsi, Novxanı, Corat bağları, Corat və Yeni Corat yaşayış massivləri, eləcə də Novruz qəsəbəsini əhatə edəcək.
Bununla yanaşı, şəhərin 10, 11, 12, 13 və 17-ci mikrorayonlarının bir hissəsində, həmçinin 51-ci və 52-ci məhəllələrdə də qazın verilməsi dayandırılacaq.
Qeyd olunub ki, qaz təchizatındakı fasilə ümumilikdə 40 minə yaxın abonenti əhatə edəcək və işlər başa çatdıqdan sonra qazın verilməsi bərpa olunacaq.
