Azərbaycanın qadın basketbol millisi Bolqarıstanla səfər oyununa çıxır

Qadın basketbolçulardan ibarət Azərbaycan millisi 2027-ci ildə keçiriləcək Avropa çempionatının seçmə mərhələsində növbəti oyununa bu gün çıxacaq.

Paraqraf.com-un məlumatına görə, yığma səfərdə Bolqarıstan komandası ilə üz-üzə gələcək.

Görüş Plovdiv şəhərindəki “Kolodrum Arena”da, saat 21:00-da start götürəcək.

Qeyd edək ki, Azərbaycan millisi daha əvvəl Bolqarıstana (48:141), Monteneqroya (62:104) və Ukraynaya (34:98) uduzub. Yığma E qrupunda 3 xalla sonuncu – dördüncü sırada qərarlaşıb.

 

Paraqraf.com