Qadın voleybolçular arasında Yüksək Liqada XV tur başlayır

Qadın voleybolçular arasında Azərbaycan Yüksək Liqasında XV tura start veriləcək.

Paraqraf.com-un məlumatına görə, turun ilk oyun günündə iki görüş baş tutacaq.

Saat 16:00-da “Abşeron” “Murov Az Terminal”la üz-üzə gələcək. Saat 18:00-da isə “DH Volley” və “Gəncə” komandaları meydana çıxacaq.

Hər iki qarşılaşma Azərbaycan Voleybol Federasiyasının idman zalında baş tutacaq.

Qeyd edək ki, XV tura fevralın 27-də yekun vurulacaq.

Paraqraf.com