Kriştianu Ronaldu karyerasını Səudiyyə Ərəbistanında davam etdirmək istəyir
“Əl-Nəsr” klubunun hücumçusu Kriştianu Ronaldu Səudiyyə Ərəbistanı çempionatının XXIII turunda “Əl-Həzm”ə qarşı keçirilən və komandasının 4:0 hesablı qələbəsi ilə başa çatan oyunda iki qol vurub.
Paraqraf.com xəbər verir ki, görüşdən sonra portuqaliyalı hücumçu bu ölkədə oynamağa davam etmək niyyətində olduğunu açıqlayıb.
“Mən Səudiyyə Ərəbistanına məxsusam. Burada oynamağa davam etmək istəyirəm. Bura məni, ailəmi və dostlarımı qarşılayan ölkədir, burada xoşbəxtəm və qalmaq istəyirəm”, – deyə jurnalist Fabritsio Romano sosial mediada futbolçunun sözlərini sitat gətirib.
Qeyd edək ki, 41 yaşlı Ronaldu bu mövsüm “Əl-Nəsr”in heyətində bütün turnirlərdə 22 oyunda 20 qol vurub.
Paraqraf.com
