Razi Nurullayev: “Sürücülər və turistlər bəzi yollarda azır”

Rayonlardan kəndlərə gedən yolların bir çoxunda yol nişanları demək olar ki, yoxdur və bəzi yaşayış məntəqələrinin adları bəzi istiqamətlərdən görünmür.

Paraqraf.com xəbər verir ki, bu sözləri Milli Məclisin plenar iclasında “Yol hərəkəti haqqında” və “Avtomobil yolları haqqında” qanunlarda dəyişiklik layihəsi müzakirə olunarkən deputat Razi Nurullayev deyib.

O, rayon və kənd yollarının vəziyyətinə diqqət çəkib.

“Bu yollarda sürücülər və turistlər azırlar. Xaricdə xəritə açmadan belə yollardakı işarələrlə istənilən kəndə getmək mümkündür. Bizim yollarda isə bu imkan yox dərəcəsindədir. Kəndlərə GPS-lə getmək çətindir, hər yer tanınmır. Sürücülər dönməli olduqları yolu ötürürlər, çünki nişan yoxdur. Döngələrin olmaması vaxt itkisinə və gərginliyə səbəb olur”,- parlament üzvü bəyan edib.

Paraqraf.com