Qiymət artımı cəmiyyətin gündəlik həyatına birbaşa təsir edən, sosial-iqtisadi baxımdan olduqca aktual bir problemdir. Son illərdə ərzaqdan tutmuş xidmət sahələrinə qədər bir çox məhsulun bahalaşması əhalinin yaşayış səviyyəsinə ciddi təsir göstərir. Bu artımlar təsadüfi deyil və həm daxili, həm də xarici amillərlə sıx bağlıdır.
Mövzu ilə bağlı Liberal İqtisadçılar Mərkəzinin sədri Akif Nəsirli Paraqraf.com-a açıqlamasında deyib ki, qiymət artımı bir neçə səbəbdən baş verir:
“Pulun alıcılıq gücü azalır, yəni inflyasiya var. Manatın dəyəri düşdüyü üçün idxal olunan məhsullar baha başa gəlir. Yanacaq və enerji xərcləri artanda daşınma və istehsal xərcləri yüksəlir, nəticədə məhsul qiymətləri artır. Qlobal böhranlar və müharibələr də taxıl, yağ və digər məhsulların qiymətini qaldırıb. İstehsal xərcləri, əməkhaqları və vergi yükü də qiymət artımına təsir edir. Bəzi sahələrdə rəqabətin zəif olması və inhisarçılıq da qiymətlərin sürətlə qalxmasına səbəb olur”.
Ləman
Paraqraf.com
