ABŞ Dövlət Departamenti Səudiyyə Ərəbistanına potensial olaraq 9 milyard dollar dəyərində “Patriot” hava hücumundan müdafiə raketləri satışını təsdiqləyib.
Paraqraf.com xəbər verir ki, bu barədə Pentaqonun xaricə hərbi texnika və silah satışlarından məsul Müdafiə Təhlükəsizliyi Əməkdaşlıq Agentliyi məlumat yayıb.
Agentliyin bildirdiyinə görə, Səudiyyə Ərəbistanı 730 ədəd PAC-3 MSE yer-hava raketi və ona aid avadanlıq almaq istəyir. Satış ABŞ Dövlət Departamenti tərəfindən təsdiqlənib və Konqresə rəsmi bildiriş təqdim olunub.
Bəyanatda vurğulanır ki, Səudiyyə Ərəbistanına raket satışları ABŞ-ın xarici siyasəti və milli təhlükəsizlik maraqlarına uyğundur. Sənədə görə, bu razılaşma regionda güc balansını dəyişdirməyəcək və ABŞ ordusunun döyüş hazırlığına mənfi təsir göstərməyəcək.
Paraqraf.com
