Tramp: ABŞ administrasiyası Minneapolisdəki atışmanın başvermə şəratini araşdırır

ABŞ administrasiyası 24 yanvarda Minneapolisdə (Minnesota ştatı) baş verən atışma ilə bağlı bütün halları araşdırır. Hadisə zamanı Sərhəd Xidmətinin əməkdaşı tərəfindən bir kişi güllələnərək öldürülüb.

Paraqraf.com-un məlumatına görə, ABŞ lideri bunu “The Wall Street Journal”a müsahibəsində sərhədçinin hərəkətlərinin tibb bacısı olan 37 yaşlı ABŞ vətəndaşı Aleks Prettinin ölümündə haqlı olub-olmadığı ilə bağlı suala cavab olaraq bildirib.

“Biz bunu araşdırırıq, araşdırırıq və nəticəyə gələcəyik”, – Tramp deyib.

Eyni zamanda, o, istənilən atışmaya mənfi münasibətini vurğulayıb. “Mən heç bir atışmanı sevmirəm. Eyni zamanda, kiminsə çox güclü, tam doldurulmuş silahla etiraz aksiyasına çıxmasını xoşlamıram”, – ABŞ Prezidenti bildirib.

Tramp həmçinin miqrasiya xidməti əməkdaşlarının sonda Minneapolisdən çıxarılacağına işarə edib. “Nə vaxtsa biz gedəcəyik. Onlar möhtəşəm iş görüblər. Maliyyə fırıldaqçılığını araşdırmaq üçün orada başqa komanda yerləşdirəcəyik”, – o bildirib.

Ağ Ev rəhbəri həmçinin Kaliforniyadakı sosial təminat fırıldaqçılığının miqyasının Minnesota ştatından xeyli böyük ola biləcəyinə inandığını bildirib.

Paraqraf.com