Sabunçuda 67 yaşlı qadını öldürməkdə şübhəli bilinən oğlu tutulub

Bakının Sabunçu rayonunda 1959-cu il təvəllüdlü Həyat Ağayevanı öldürməkdə şübhəli bilinən şəxs tutulub.

Paraqraf.com xəbər verir ki, bu barədə Sabunçu rayon prokurorluğundan məlumat verilib.

Bildirilib ki, ilkin araşdırmalarla 1981-ci il təvəllüdlü Emil Ağayevin bıçaqla xəsarətlər yetirərək Həyat Ağayevanı qəsdən öldürməsinə əsaslı şübhələr müəyyən edilib.

Faktla bağlı Sabunçu rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, E.Ağayev iş üzrə şübhəli şəxs qismində tutulub.

Qeyd edək ki, hadisəni törətməkdə şübhəli bilinən E. Ağayev mərhumun oğludur.

Paraqraf.com