İndoneziyada torpaq sürüşməsi nəticəsində ölənlərin sayı 25-ə çatıb

İndoneziyanın Qərbi Yava əyalətində torpaq sürüşməsi nəticəsində ölənlərin sayı 25-ə çatıb.

Paraqraf.com xəbər verir ki, bu barədə “Antara” agentliyi İndoneziyanın Fəlakətlərin idarə edilməsi üzrə Milli Agentliyinə istinadən məlumat yayıb.

Bildirilib ki, 65 nəfər itkin düşüb.

Axtarış-xilasetmə əməliyyatı davam edir.

Hadisə yanvarın 24-də Qərbi Bandunq rayonunda baş verib, güclü yağıntıların fonunda torpaq sürüşməsi Pasir Lanqu yaşayış məntəqəsini örtüb.

Paraqraf.com