Teleradio Akademiyasında “Mediada Azərbaycan dili” mövzusunda təlim keçirilib

Teleradio Akademiyasında “Mediada Azərbaycan dili” mövzusunda növbəti təlim təşkil olunub. Təlimdə media sahəsində fəaliyyət göstərən gənc jurnalistlər iştirak ediblər.

Tədbirin məqsədi mediada Azərbaycan dilinin düzgün və səmərəli istifadəsi, dil normalarının qorunması və peşəkar jurnalistikanın dil baxımından inkişafına töhfə vermək olub. Təlim zamanı praktiki nümunələr əsasında müzakirələr aparılıb, iştirakçıların sualları cavablandırılıb.

Gənc jurnalistlərin öyrənməyə meyilli, çevik və fəal olmaları xüsusi vurğulanıb. Onların marağı və aktiv iştirakı təlimin səmərəli keçdiyini göstərib. Tədbir iştirakçılarda müsbət təəssürat yaradıb və gələcək üçün ümidverici qiymətləndirilib.