NATO Cənubi Qafqaz və Mərkəzi Asiya üzrə yeni xüsusi nümayəndəsini təyin edib.
Paraqraf.com-un NATO-ya istinadən məlumatına görə, bunu Alyansın baş katibinin müavini Radmila Şekerinska Bakıda Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyovla görüşü zamanı bildirib.
“Radmila Şekerinska bəyan edib ki, NATO Cənubi Qafqaz və Mərkəzi Asiya üzrə yeni xüsusi nümayəndəsini təyin edib. Onun yaxın zamanda vəzifəsinin icrasına başlayacağı gözlənilir”, – məlumatda bildirilib.
Xatırladaq ki, 21-22 yanvar tarixlərində Radmila Şekerinska Azərbaycana səfər edib, xarici işlər naziri Ceyhun Bayramov, Milli Məclisin sədri Sahibə Qafarova, həmçinin Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyovla görüşlər keçirib.
Paraqraf.com
