Trampdan Qəzza dəvəti: Ərdoğan qurucu üzv kimi komitəyə qoşulur
ABŞ Prezidenti Donald Tramp Türkiyə Prezidenti Rəcəb Tayyib Ərdoğanı Qəzza Sülh Komitəsinin təsisçi üzvü qismində iştirak etməyə dəvət edib.
Paraqraf.com xəbər verir ki, bunu Türkiyə Prezidentin Kommunikasiya direktoru Burhanəddin Duran bildirib.
O qeyd edib ki, Birləşmiş Millətlər Təşkilatının Təhlükəsizlik Şurası 2803 saylı qətnamə ilə ABŞ Prezidenti Donald Tramp tərəfindən elan edilən “Qəzza münaqişəsinə son qoymaq üçün hərtərəfli plan”a dəstək verib.
B.Duranın sözlərinə görə, bu çərçivədə Qəzzada təhlükəsizliyin təmin edilməsi və bölgənin yenidən qurulmasına cavabdeh olacaq Sülh Komitəsi və ona bağlı qurumlar yaradılıb.
O qeyd edib ki, ABŞ Prezidenti Donald Tramp Sülh Komitəsinin təsisçi sədri qismində 16 yanvar 2026-cı il tarixində Prezident Rəcəb Tayyib Ərdoğana ünvanladığı məktubla onu komitənin təsisçi üzvü kimi iştirak etməyə dəvət edib.
