İtaliyanın “Kyevo” klubu hazırda azad agent statusunda olan braziliyalı vinger Duqlas Kostanı heyətinə qatmağı planlaşdırır.
Paraqraf.com xəbər verir ki, bu barədə tanınmış insayder Canluka Di Marsio məlumat yayıb.
Klubun sahibi Pyetro Laterza 34 yaşlı futbolçu ilə 6 aylıq müqavilə imzalamaq niyyətindədir. Plana əsasən, o, daha sonra Laterzanın sahibi olduğu BƏƏ-nin “Əl-İttifaq” klubuna keçəcək.
Qeyd edək ki, karyerası ərzində “Yuventus” (İtaliya), “Bavariya” (Almaniya), “Qremio”, “Fluminense” (hər ikisi Braziliya), “Los-Anceles Qalaksi” (ABŞ) kimi komandaların formasını geyinmiş Duqlas Kostanın son iş yeri Avstraliya təmsilçisi “Sidney” olub.
Paraqraf.com
Visited 9 times, 1 visit(s) today
