Şirvan-Salyan Regional Təhsil İdarəsinin müdiri Rəşad Musayevin rəhbərliyi ilə şəhərimizi müxtəlif bilik və bacarıq müsabiqələrində uğurla təmsil edərək qalibiyyət qazanan müəllim və şagirdlərin fəxri fərman və mükafatlarla təltif olunması yüksək dəyərləndirilən və nümunəvi bir addımdır.
Bu təşəbbüs əldə olunan uğurların arxasında dayanan zəhmətin, əzmin və fədakarlığın layiqincə qiymətləndirildiyini bir daha nümayiş etdirir. Müəllim və şagirdlərə göstərilən diqqət və qayğı onların motivasiyasının artmasına, gələcək nailiyyətlərə daha inamla addımlamasına mühüm töhfə verir.
Qazanılan uğurların təkcə rəsmi səhifələrdə paylaşılması deyil, həmin nailiyyətləri əldə edən şəxslərin əməyinin real şəkildə dəyərləndirilməsi təhsil sistemində sağlam və stimullaşdırıcı mühitin formalaşmasına xidmət edir. Bu baxımdan atılan addım həm müəllimlər, həm də şagirdlər üçün mənəvi dəstək olmaqla yanaşı, peşəkar fəaliyyətə verilən yüksək qiymətin bariz nümunəsidir.
Arzu edirik ki, bu nümunəvi yanaşma digər idarə və müəssisə rəhbərləri üçün də örnək olsun və ölkəmizdə əldə olunan hər bir uğur onu qazananların əməyinə verilən dəyər ilə müşayiət edilsin.
Aytac
Paraqraf.com
