Zelenski: “Növbə Avropa ölkələrinə çatacaq”

Ukrayna Prezidenti Volodimir Zelenski Rusiyanın müharibəni 2026-cı ilə qədər davam etdirməyə hazırlaşdığını açıqlayıb. Onun sözlərinə görə, Moskvanın gələn ili də “müharibə ili”nə çevirmək niyyətində olduğuna dair növbəti siqnallar alınıb.

Paraqraf.com xəbər verir ki, bu barədə Zelenski sosial media hesabında paylaşım edib.

Prezident bildirib ki, Rusiyadan gələn bu siqnallar təkcə Ukraynanı deyil, ölkənin bütün beynəlxalq tərəfdaşlarını ciddi şəkildə narahat edir.

Zelenski Rusiyanın mövcud zehniyyətinin diplomatik proseslərə zərər vurduğunu vurğulayıb. O qeyd edib ki, Rusiya bu düşüncə tərzindən imtina etmədiyi müddətdə diplomatiyadan yalnız Ukraynanı və ukraynalıları məhv etmək niyyətini gizlətmək, eləcə də Ukrayna torpaqlarının işğalını “qanuniləşdirməyə” cəhd etmək üçün istifadə edəcək.

Ukrayna lideri xəbərdarlıq edib ki, bu yanaşma davam edərsə, növbəti hədəf digər Avropa ölkələri ola bilər. Onun sözlərinə görə, Rusiyada kimsə bir gün başqa dövlətlərin ərazilərini də öz qondarma “tarixi torpaqları” kimi təqdim edə bilər.

Kəmalə Vəliyeva
Paraqraf.com