“Comex” birjasında gümüşün qiyməti tarixi maksimumu yeniləyib

“Comex” birjasında (Nyu-York əmtəə birjasının bölməsi) 2026-cı ilin mart ayında çatdırılmaqla gümüş fyuçersinin qiyməti bir troya unsiyası üçün 66 dolları ötərək tarixi maksimumunu yeniləyib.

Paraqraf.com-un məlumatına görə, bu, ticarət platformasının göstəricilərindən məlum olur.

Bakı vaxtı ilə saat 07:01-ə olan məlumata görə, qiymətli metalın dəyəri 4,07% artaraq bir troya unsiyası üçün 66,175 dollar təşkil edib. Saat 08:20-yə yaxın gümüşün qiymət artımı bir qədər yavaşlayaraq bir unsiya üçün 66,07 dollara (+3,9%) enib.

Eyni zamanda, “Comex” birjasında 2026-cı ilin fevralında çatdırılmaqla qızıl fyuçersinin qiyməti 4 354,1 dollar (+0,44%) səviyyəsində qərarlaşıb.

Paraqraf.com