Bakıda katibə axtarıldığı və 3500 manat maaş verildiyi iddia edilən elan yayılıb.
Bununla bağlı “Baku TV” süjet hazırlayıb.
Bildirilib ki, elanda “Bütöv düşən şəkil göndər, 3500 manat maaşdır” sözləri yazılıb.
İnsan resursları üzrə mütəxəssis və təlimçi Nigar Temrazova “Paraqraf.com”a bildirib ki, işə qəbul prosesində əsas meyar namizədin bilik, bacarıq və peşəkar təcrübəsi olmalıdır:
“Xarici görünüş insanın iş qabiliyyətini və performansını müəyyən edən faktor deyil. Bu cür yanaşma diskriminasiya riskini artırır və istedadlı namizədlərin kənarda qalmasına səbəb olur.
Yalnız işin mahiyyəti birbaşa tələb etdikdə. Məsələn, ictimaiyyətlə ünsiyyətdə olan və ya brend imici ilə bağlı rollarda səliqəli və iş mühitinə uyğun görünüş tələbi əsaslandırıla bilər. Bu halda belə tələblər açıq, obyektiv və vəzifə öhdəliklərinə uyğun şəkildə müəyyənləşdirilməlidir.
Effektiv və ədalətli işə qəbul prosesi üçün şirkətlər namizədləri xarici görünüşünə görə deyil, peşəkar keyfiyyətlərinə, davranışına və potensialına əsaslanaraq dəyərləndirməlidir. Bu yanaşma həm sağlam iş mühiti formalaşdırır, həm də uzunmüddətli uğurun əsasını qoyur”.
Kəmalə Vəliyeva
Paraqraf.com
