ABŞ-də mətbəx mebeli ilə əlaqəli təhlükəli xəstəlik aşkar edilib

ABŞ-də müəyyən növ daşlardan hazırlanmış mətbəx mebeli istehsalı ilə əlaqəli təhlükəli ağciyər xəstəliyi aşkar edilib.

Paraqraf.com xəbər verir ki, bu barədə “Fox News” məlumat yayıb.

Bildirilir ki, xəstəlik mətbəx mebeli üçün iş masası istehsalında getdikcə daha çox populyarlaşan material – kvars daşı ilə bağlıdır.

Belə ki, Massaçusetsdə 14 il iş masası üzlüyü istehsalı müəssisəsində çalışan 40 yaşlı kişiyə silikoz diaqnozu qoyulub. Bu xəstəliyin simptomlarına öskürək, sinə ağrısı, nəfəs darlığı və yorğunluq daxildir.

Xəstəlik daş tozu ilə nəfəs alma nəticəsində yaranıb. Həkimlər xəstəliyin ağciyər xərçəngi və vərəm də daxil olmaqla ciddi fəsadlara səbəb ola biləcəyi barədə xəbərdarlıq ediblər.

Paraqraf.com