“Vaşinqtonun müharibəyə son qoymaq planını bəyənməyən yeganə şəxs Volodimir Zelenskidir”.
Paraqraf.com UNİAN-a istinadən xəbər verir ki, bu iddianı ABŞ Prezidenti Donald Tramp Ağ Evdə jurnalistlərin suallarını cavablandırarkən səsləndirib.
O, Vaşinqtonun həm Moskva, həm də Kiyevlə razılaşmalara yaxın olduğunu deyib: “Düşünürdüm ki, Rusiya, Ukrayna ilə razılaşmaya çox yaxınıq. Əslində, prezident Zelenski istisna olmaqla, onun komandası bu razılaşmanın konsepsiyasından çox məmnun idi”.
Dövlət başçısı təklif etdikləri planın ərazilərin bölünməsini nəzərdə tutduğunu və bunun danışıqları çətinləşdirdiyini qeyd edib.
Tramp diplomatik səyləri öz biznes təcrübəsi ilə müqayisə edərək vurğulayıb ki, Ukraynada müharibəyə son qoymaq daşınmaz əmlak üzrə sövdələşmə əldə etməkdən “min dəfə daha çətindir”.
Paraqraf.com
