Mərakeşdə iki bina uçub: Çox sayda ölən var

Mərakeşin Fəs şəhərində iki bina uçub. Nəticədə ən azı 19 nəfər ölüb, 16 nəfər yaralanıb.

Paraqraf.com xəbər verir ki, bu barədə dövlət xəbər agentliyi məlumat verib.

Məlumata görə, səkkiz ailənin yaşadığı iki bitişik dördmərtəbəli bina çöküb.

Yaralılar Fəs Universitet Xəstəxanası Mərkəzinə aparılıb. Xilasedicilər ərazidə axtarış işlərini davam etdirirlər, dağıntılar altında insanların qalmış olduğu ehtimal edilir.

Çökmənin səbəbi hələlik məlum deyil.

Paraqraf.com