Millimizin sabiq baş məşqçisinin yeni iş yeri açıqlandı

Azərbaycan milli komandasının sabiq baş məşqçisi Robert Prosineçkinin yeni iş yeri müəyyənləşib.

Paraqraf.com xəbər verir ki, bu barədə Qırğızıstan Futbol İttifaqının Mətbuat Xidməti məlumat yayıb.

R.Prosineçki Qırğızıstan milli komandasına rəhbərlik edəcək. 56 yaşlı mütəxəssislə 13 aylıq müqavilə imzalanıb. Qırğızıstan millisi 2027-ci il Asiya Kubokunda yaxşı çıxış edəcəyi təqdirdə müqaviləni daha 3 il uzatmaq imkanı var.

Qeyd edək ki, Robert Prosineçki 2014-2017-ci illərdə Azərbaycan millisini çalışdırıb. O, son olaraq Monteneqro seçməsinin baş məşqçisi olub.

Paraqraf.com