Bakı metrosu “Qarabağ”a görə iş saatını dəyişdi

Bakı metrosu “Qarabağ” FK-nın UEFA Çempionlar Liqasında növbəti oyunu ilə əlaqədar uzadılmış iş rejimində çalışacaq.

Paraqraf.com xəbər verir ki, bu barədə “Bakı Metropoliteni” Qapalı Səhmdar Cəmiyyəti (QSC) məlumat yayıb.

Bildirilib ki, dekabrın 10-dan 11-nə keçən gecə bütün stansiyalar saat 1:00-a qədər sərnişinlərin girişinə açıq olacaq.

Metropoliten azarkeşlərin rahat və təhlükəsiz hərəkəti üçün gücləndirilmiş rejimdə işləyəcək.

“Gənclik”, “Nərimanov” və “28 May” stansiyalarında nəzarət mexanizmləri və işçi qüvvəsi artırılacaq.

Ehtiyac yaranarsa, ehtiyat qatarlar xəttə buraxılmağa hazır saxlanılacaq.

Paraqraf.com