Braziliyada kitabxanaya basqın: Sənət əsərləri oğurlandı

Silahlı cinayətkarlar Braziliyanın San-Paulu şəhərində yerləşən kitabxananı qarət ediblər.

Paraqraf.com xəbər verir ki, məlumatı G1 saytı yayıb.

Canilər qiymətli sənət əsərlərini oğurlayıblar.

Qarətçilərin diqqətini məşhur Fransa rəssamı Anri Matisin səkkiz qravürü cəlb edib. Eyni zamanda, Braziliya rəssamı Kandido Portinarinin beş əsəri də oğurlanıb.

Bu əsərlərin hər biri kitabxanada keçirilən sərgidə nümayiş olunub. Hazırda hüquq-mühafizə orqanları cinayətkarları axtarırlar. Onların şəxsiyyəti artıq müəyyən edilib.

Paraqraf.com