Fransanın ictimai yayımı olan “France Info”da canlı yayım bomba təhlükəsi aldıqdan sonra kəsilib.
Paraqraf.com xəbər verir ki, bu barədə “France Info” kanalı yazılı açıqlama yayıb.
“France Info” kanalının Paris studiyasından canlı yayım zamanı həyəcan səsləri eşidilib.
Həyəcan siqnalı çalan zaman studiyada jurnalistlərlə Ukrayna siyasətini müzakirə edən canlı yayımı aparan aparıcı Jan-Kristof Qaleazzi “bomba təhlükəsi səbəbindən” yayımı dayandırmalı olduqlarını bildirib.
Aparıcının bu açıqlamasından sonra canlı yayım dayandırılıb.
“France Info” yazılı açıqlama yayaraq, dövlət qurumlarının kanala qarşı bomba təhlükəsi xəbərdarlığının ardından Paris studiyasının ehtiyat tədbiri olaraq boşaldıldığını, polis qruplarının araşdırma başlatdığını bildirib.
İstintaq başa çatdıqdan sonra işçilərin təxminən iki saat ərzində binaya qayıtdığı bildirilir.
Qeyd edək ki, iki həftə əvvəl Fransanın digər kanalı BFMTV də bomba təhlükəsi alıb.
Kəmalə Vəliyeva
Paraqraf.com
