“Nike” ayaqqabıları oyun kompüterinə çevrildi

Sinqapurlu dizayner Qustavo Bonzanini daxili oyun konsolu olan xüsusi “Nike Air Max 90” idman ayaqqabıları hazırlayıb.

Paraqraf.com xəbər verir ki, bu barədə “The Verge” məlumat yayıb.

Bonzanininin işi Yaponiyada “Super Nintendo”nun satışa çıxarılmasının 35-ci ildönümünə təsadüf edir.

İdman ayaqqabılarında “Raspberry Pi Zero W” mikrokompüteri istifadə olunur. O ayaqqabının içərisində gizlədilib və 30 dəqiqəyə qədər oynamağa imkan verən batareya ilə təchiz olunub.

Ayaqqabının mini-HDMI portu da var, lakin dizayner idman ayaqqabılarına retro üslubu vermək üçün bura RCA kabellərindən istifadə edərək televizora qoşulan kiçik bir analoq çevirici də əlavə edib.

Həmçinin ayaqqabılar “Bluetooth” modulu ilə təchiz edilib və bu da ekranın “Nintendo”ya simsiz qoşulmasına imkan verib.

Paraqraf.com