“Turan Tovuz” Azərbaycan çempionatında yubiley qolunu vurdu

“Turan Tovuz” Azərbaycan çempionatlarının yüksək dəstəsində yubiley qolunu vurub.

Paraqraf.com xəbər verir ki, bu barədə Peşəkar Futbol Liqası (PFL) məlumat yayıb.

Bildirilib ki, bu Misli Premyer Liqasının XII turuna təsadüf edib.

“Araz-Naxçıvan”la səfər görüşündə (1:1) fərqlənən Ayxan Hüseynov 150-ci qolun müəllifi olub.

Tovuz təmsilçisi 150-ci qolu 120-ci matçda vurub. Qərb klubu evdə 83, səfərdə 67 dəfə fərqlənib.

Qeyd edək ki, Misli Premyer Liqasında debütü 2022/2023 mövsümünə təsadüf edən “Turan Tovuz”un ilk qolunu 2022-ci il avqustun 13-də, “Səbail”lə səfər qarşılaşmasında (1:0) Natan Oduva vurub.

Paraqraf.com