Partlayış baş verən plazanın sahibi: “Yeni salınan yola görə binaya yerin altından qaz sızıb”
“Partlayışa ilkin səbəb kimi magistral qaz kəmərində sızıntı olmasıdır”.
Paraqraf.com xəbər verir ki, bu fikirləri jurnalistlərə açıqlamasında AFEN plazanın sahibi Əbülfət Əliyev deyib.
O bildirib ki, bir neçə gün əvvəl yol təmiri işləri zamanı yaxınlıqdan keçən yerin altında magistral kəmər zədələnib:
“Xətt təmir edilsə də, görünür, bu, uğurlu olmayıb. Zirzəmiyə qaz sızması olub, səhər əməkdaşlar işığı yandırarkən partlayış baş verib. Qazıntılar vaxtı kəmər zədələnmişdi. Hazırda burada da dayanmaq təhlükəlidir. Binada isə qaz olmayıb. Mütəxəssislər də ilkin ehtimallara görə bunu təxmin edirlər. Ziyan barədə hazırda araşdırma gedir. Zərərvuran isə dövlət orqanıdır”.
