Azərbaycanlı bloqerin Rusiyadakı mənzili borc səbəbindən satılacaq

Azərbaycanəsilli bloqer “Subo”nun (əsl adı Sübhan Murad oğlu Məmmədov) Rusiyanın Federal Vergi Xidmətinə olan borcu səbəbindən Moskva vilayətinin Odintsovi şəhərindəki mənzilinə həbs qoyulub.

Paraqraf.com bu barədə “Mash” “Telegram” kanalına istinadən xəbər verir.

Bildirilir ki, 10 milyon rubl (təqribən 211 000 manat – red.) dəyərindəki 60 kvadratmetr sahəsi olan ikiotaqlı mənzil müsadirə ediləcək.

Mənzil 91 milyon rubl (təqribən 1 924 000 manat – red.) məbləğində olan borcun bir hissəsini ödəməkdən ötrü satılacaq.

Xatırladaq ki, “Subo” 2025-ci ilin fevralında Rusiya vətəndaşlığından məhrum edilib. O, vergidən yayınmaya və çirkli pulların yuyulmasına görə axtarışdadır. Bloqerin BƏƏ-yə köçdüyü bildirilir.

 

Paraqraf.com