Bəzən elə gəlir ki, hər şey bitib. Gözlədiyin xəbərlər gəlmir, planların pozulur, içindəki işıq sönür, bəzən də həyatın alt-üst olur. Amma yadda saxla: əgər səhər oyanmısansa, deməli, ümid var. Hər səhər Allah bizə bir şans verir — bir səhvi düzəltmək, bir arzuya yaxınlaşmaq üçün, bəzən də yenidən başlamaq üçün.
Ümid, insanın içindəki ən güclü enerjidir. O, qaranlığın içində yanan kiçik bir işıq kimidir. Kiçik görünür, amma bütün qaranlığı dağıtmağa qadirdir. Ümid varsa, həyat hələ davam edir.
Bəli, bəzən yol uzun olur, bəzən gücün tükənir. Amma heç kim bilməz — bəlkə də sabah sənin həyatını dəyişəcək gün olacaq. Sadəcə dayanma, içindəki ümidin səsini eşit. O səs deyir: “Bir az döz, hər şey keçəcək.”
Unutma, səhərlər yalnız günəşin deyil, ümidin də doğulduğu anlardır. Hər yeni gün, keçmişin səhifəsini bağlayıb, təzə bir başlanğıc yazmaq fürsətidir.
Elə isə bu gün nə olursa-olsun, dərin bir nəfəs al, gülümsə və de:
“Ümidimi itirmirəm, çünki hər səhər yeni bir başlanğıcdır.”
M. Mehdiyeva
