Birinci Qarabağ müharibəsində itkin düşmüş hesab edilən və nəşinin qalıqları 33 il sonra tapılan şəhid Fikrət Abbas oğlu Əzizovla vida mərasimi keçirilib.
Paraqraf.com “Report”a istinadən xəbər verir ki, Bakının Qaradağ rayonu, Qobustan qəsəbəsində mərhumun ailə üzvlərinə məxsus evdə baş tutan vida mərasimində şəhidin yaxınları, eləcə də dövlət və ictimaiyyət nümayəndələri iştirak ediblər.
Mərasim başa çatdıqdan sonra onun nəşinin qalıqları Qaradağ rayonunda yerləşən “Sofi Həmid Piri” qəbiristanlığında torpağa tapşırılıb.
Qeyd edək ki, F.Əzizov 1992-ci ilin 26 fevralında Xocalı şəhərində itikin düşmüş hesab edilirdi.
***
Birinci Qarabağ müharibəsində itkin düşmüş hesab edilən və nəşinin qalıqları 33 il sonra tapılan Azərbaycan Ordusunun zabiti Elçin Balaxan oğlu Quliyev dəfn edilib.
Onun nəşinin qalıqları Suraxanı rayonu “Dədə Qorqud” qəbiristanlığında torpağa tapşırılıb.
Qeyd edək ki, R. Abbasov 26 fevral 1992-ci ildən Xocalıda itkin düşmüş hesab edilirdi.
***
Şirvan şəhərində Birinci Qarabağ müharibəsində itkin düşmüş hesab edilən Cəmil Rəhimovla vida mərasimi keçirilib.
Vida mərasimindən sonra onun nəşi Şirvan şəhəri Şəhidlər xiyabanında torpağa tapşırılıb.
Qeyd edək ki, C.Rəhimov 1992-ci il mayın 8-də Şuşada gedən döyüşlər zamanı itkin düşüb.
***
Göyçay rayonunda Birinci Qarabağ müharibəsində itkin düşmüş hesab edilən Aydın Nuriyevlə vida mərasimi keçirilib.
Onun nəşi rayonun Mırtı kənd qəbiristanlığında torpağa tapşırılıb.
Paraqraf.com
