Qərbi Azərbaycan İcmasının və rayon icmalarının təşəbbüsü və təşkilatçılığı ilə Qərbi Azərbaycana qayıdış ideyası ətrafında icma üzvlərinin sıx birləşməsi, gənclər arasında kommunikasiyanın möhkəmləndirilməsi, eyni zamanda, sağlam həyat tərzinin təbliği, icmanın fəaliyyətində kütləviliyin artırılması və sağlam cəmiyyətin formalaşdırılmasına dəstək məqsədilə mini futbol turnirləri keçirilir. Bir müddət öncə, kənd icmalarının arasında təşkil edilən Amasiya rayon mini futbol çempionatı öz yekununa çatır.
Bu münasibətlə 26 oktyabr saat 16:00-da çempionatın final oyunu və bağlanış tədbiri keçiriləcək.
Final oyunu İlanlı – Ellərkənd icmalarının komandaları arasında baş tutacaq.
Hörmətli Qərbi azərbaycanlılar və futbolsevərlər!
Sizi bu həyəcanlı final qarşılaşmasına və konsert proqramı ilə müşayət olunacaq bağlanış mərasiminə qatılmağa dəvət edirik.
Qərbi Azərbaycanın yaddaşını, birlik və dostluq ruhunu birlikdə yaşadaq!
Visited 57 times, 1 visit(s) today
