“Apple” korporasiyasının rəhbərləri “iPhone Air” smartfonundan məyus olublar.
Paraqraf.com xəbər verir ki, bu barədə Yaponiyanın “Mizuho Securities” analitik agentliyi məlumat yayıb.
Belə ki, “Apple” brendinin digər yeni smartfonlarından fərqli olaraq, ultranazik “Air” modeli satışda uğursuzluğa düçar olub.
Məlumata görə, qadcet istehlakçıların marağına səbəb olmayıb, bu səbəbdən İT nəhəngi istehsal həcmini bir milyon ədəd azaldıb. Eyni zamanda, Tim Kukun rəhbərlik etdiyi şirkət digər “iPhone” modellərinin istehsalını iki milyon ədəd artırmaq barədə qərar qəbul edib.
Hesabatda bildirilir ki, flaqman “iPhone 17 Pro” və “iPhone 17 Pro Max”ın satışları əvvəlki modellərin 2024-cü ilin eyni dövrü ilə müqayisədəki satış həcmlərini üstələyir. Eyni zamanda, “iPhone 17” modelinin ötən il bazara çıxarılmış “iPhone 16”dan daha çox uğur qazandığı bildirilir.
Qeyd edək ki, “Apple” ilkin olaraq 2025-ci ildə 88 milyon ədəd “iPhone 17” smartfonu istehsal etməyi planlaşdırmışdı. Lakin seriyanın uğurlu olması səbəbindən istehsal həcmini 94 milyon ədədə çatdırmaq qərara alınıb.
Paraqraf.com
