Pakistan və Əfqanıstan nümayəndə heyətləri Türkiyədə görüşəcəklər

Pakistan və Əfqanıstan nümayəndə heyətləri gələn həftənin sonunda Türkiyədə danışıqları davam etdirəcəklər.

Paraqraf.com bildirir ki, bu barədə Pakistanın müdafiə naziri Xavaca Asif “X” sosial şəbəkə hesabında məlumat verib.

“Nümayəndə heyətləri oktyabrın 25-də İstanbulda yenidən görüşəcəklər və biz bütün təfərrüatı müzakirə edəcəyik”, – deyə o vurğulayıb.

Xatırladaq ki, Qətər Xarici İşlər Nazirliyi Pakistan və Əfqanıstanın Dohada danışıqlar zamanı dərhal atəşkəsə dair razılığa gəldiklərini bəyan edib.

Paraqraf.com