Gürcüstanda ali təhsilin müddəti azaldılacaq

Gürcüstanda bakalavr və magistr pilləsi üzrə təhsilin müddəti azaldıla bilər.

Paraqraf.com “Sputnik Gürcüstan”a istinadən xəbər verir ki, bu barədə məlumatı ölkənin Baş naziri İrakli Kobaxidze təhsil sahəsində nəzərdə tutulan islahatların təqdimatı zamanı açıqlayıb.

Onun sözlərinə görə, həmin islahatlar çərçivəsində bəzi ixtisaslar istisna olmaqla bakalavrda təhsil müddəti 3, magistr pilləsində isə 1 il ola bilər: “Üç il, demək olar ki, bütün ixtisaslar üçün kifayətdir. Əlbəttə, tibb və bu kimi ixtisaslar istisnadır”.

O həmçinin bəzi məktəblərdə 11 illik təhsil müddətinə keçid etməyin lazım gəldiyini vurğulayıb.

Qeyd edək ki, Gürcüstanda hazırda bakalavr pilləsi üzrə təhsilin müddəti 4, magistratura pilləsi üzrə isə 2 il təşkil edir. Tam orta təhsil isə 12 illikdir.

Paraqraf.com