Verona (İtaliya) yaxınlığındakı evdə partlayış nəticəsində üç karabinyer (silahlı hərbi qulluqçu) həlak olub, 15 yanğınsöndürən və polis yaralanıb.
Paraqraf.com xəbər verir ki, bu barədə məlumatı ANSA agentliyi yayıb.
İlkin məlumata görə, qanunsuz ələ keçirilmiş evdə partlayış mülkün boşaldılması əməliyyatı zamanı qəsdən törədilib. Hadisə ilə bağlı bir qadın və onun qardaşı saxlanılıb. Onların digər qardaşı qaçıb aradan çıxıb.
ANSA yazır ki, polis əməliyyata başlayanda onlar evdə qaz balonlarını açıblar. Karabinyerlər qapını açanda isə partlayış baş verib. Qadının özü də hadisə zamanı xəsarət alıb.
Bildirilir ki, iqtisadi problemləri olan bu fermer ailəsinin adı iki il əvvəl də oxşar hadisədə hallanıb. Lakin o zaman partlayışın qarşısını almaq və vəziyyəti yoluna qoymaq mümkün olub.
Paraqraf.com
