Çində 8 günlük Milli Gün tətilindən sonra paytaxt Pekinin girişində dəhşətli tıxac yaranıb.
Paraqraf.com xəbər verir ki, bu barədə RBC.ua nəşri məlumat verib.
Məlumata görə, tıxac Çin paytaxtına girişdə, Pekin-Honkonq-Makao magistralında, 50 zolağın 3 zolağa qədər azaldığı nöqtədə yaranıb.
Sosial şəbəkələrdə milyonlarla çinlinin 24 saat ərzində tıxaclarda qaldığı şokedici görüntülər yayılıb. Yerli KİV tıxacın quş uçuşu hündürlüyündən kadrlarını “YouTube”da dərc ediblər.
“Çində insanlar tətildən qayıtdıqları və Pekinə daxil olmağa cəhd etdikləri zaman görün nə olur?” – deyə videolara şərh də verilib.
Qeyd edək ki, nəhəng tıxacın səbəbi oktyabrın 1-də başlayan Çinin Milli Günü bayramı ilə əlaqədardır. Bəzi məlumatlara görə, bu müddət ərzində təxminən 750 milyon insan tətilə getmək üçün evlərini tərk edib.
Paraqraf.com
