Hacıyev ABŞ-nin tanınmış beyin mərkəzlərinin nümayəndələri ilə görüş keçirib

Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev ABŞ-nin nüfuzlu beyin mərkəzlərinin nümayəndələri ilə görüş keçirib.

Görüş zamanı Azərbaycan–ABŞ münasibətlərinin mövcud vəziyyəti və inkişaf perspektivləri ətrafında geniş fikir mübadiləsi aparılıb. Həmçinin regional təhlükəsizlik, enerji əməkdaşlığı, qlobal çağırışlara qarşı birgə fəaliyyət imkanları müzakirə olunub.

Tərəflər Cənubi Qafqazda sülh və sabitliyin təmin edilməsinin əhəmiyyətini vurğulayıb, Azərbaycanın regiondakı rolunun önəmi qeyd edilib.

Hikmət Hacıyev Azərbaycanın xarici siyasətinin əsas prioritetlərini diqqətə çatdıraraq beynəlxalq əməkdaşlığın daha da gücləndirilməsinin vacibliyini vurğulayıb.

Görüş qarşılıqlı maraq doğuran məsələlərin müzakirəsi və əməkdaşlığın genişləndirilməsi baxımından faydalı hesab olunub.

Paraqraf.com