ABŞ Prokurorluğu respublikaçı senatorların telefon danışıqlarını dinləyirmiş
2021-ci ildə ABŞ Konqresinin binasına hücumla əlaqədar işə baxmış sabiq xüsusi prokuror Cek Smit respublikaçı senatorların şəxsi yazışmalarını və telefon zənglərini izləyirmiş.
Paraqraf.com xəbər verir ki, bu barədə məlumatı “Fox News” telekanalı sərəncamında olan Federal Təhqiqatlar Bürosuna (FTB) məxsus sənədə istinadla yayıb.
FTB direktorunun müavini Den Bongino telekanala müsahibəsində deyib:
“Mən bir vaxtlar FTB-nin ABŞ məmurlarının özəl söhbətlərini siyasi məqsədlərlə izləmək üçün imkan və səlahiyyətlərə malik olduğunu etiraf etməkdən xəcalət cəkirəm”.
O bildirib ki, artıq belə hallara son qoyulub.
Telekanalın məlumatına görə, Smit və onun tabeliyindəki adamlar 2023-cü ildə Co Baydenin ABŞ prezidenti olduğu dövrdə məmurların telefon söhbətlərini dinləmək imkanı əldə ediblər.
Ağ Evin başçısı Donald Tramp bu ilin sentyabrında FTB əməkdaşlarını açıq şəkildə 2021-ci il yanvarın 6-da Kapitoliyə hücum zamanı tərəfdarlarını qızışdırmaqda ittiham edib.
Paraqraf.com
