Tyerri Anridən daha bir proqnoz: “Qızıl top”u kim qazanacaq ?

Sabiq futbolçu və hazırda məşqçilik karyerasını davam etdirən Tyerri Anri növbəti “Qızıl top”u kimin qazana biləcəyi barədə fikirlərini açıqlayıb.

Paraqraf.com xəbər verir ki, bu barədə “CBS Sports” məlumat yayıb.

“Bu mövsüm Mbappe bunu etməyə qadirdir. Onun özünə inamına bir baxın. O, arıqlayıb, sürətini bərpa edib və daha yaxşı qaçır. O, adi 9 nömrə deyil, onun qolvurma qabiliyyəti forvard kimidir. Bu bizə Kilianın ən yaxşı versiyasını yenidən görməyə imkan verir”, – deyə Anri bildirib.

Xatırladaq ki, Anri son həftələrdə “Qarabağ” klubunun UEFA Çempionlar Liqasında uğurlu çıxışını öncədən proqnozlaşdırması ilə gündəmə gəlib.

“Qızıl Top”a gəlincə, onun son sahibi PSJ-dən Usman Dembele olub.

Paraqraf.com