Oktyabrın 3-nə keçən gecə Rusiya qüvvələri Ukraynanın qaz hasilatı infrastrukturuna genişmiqyaslı müharibə başlayandan bəri ən böyük zərbəni endirib. “Naftoqaz” şirkətinin Xarkov və Poltava vilayətlərindəki obyektləri hücuma məruz qalıb.
Paraqraf.com xəbər verir ki, infrastruktura xeyli hissəsi ballistik olmaqla 35 raket, eləcə də 60 pilotsuz uçuş aparatı atılıb.
“Biz onlardan bəzilərini vura bildik. Təəssüf ki, hamısı deyil. Bu hücum nəticəsində xeyli sayda obyektə ziyan dəyib, bəziləri isə kritikdir”, – “Naftoqaz” qeyd edib.
Naftogaz Group-un baş direktoru Sergey Koretski bildirib ki, təmizləmə işləri davam edir.
“Biz bu hücuma cavabın və onun ümumi vəziyyətə təsirinin operativ və kifayət qədər olmasını təmin etmək üçün Ukraynanın tərəfdaşları ilə işləyirik”, – o vurğulayıb.
Türkanə Səfərova, Paraqraf.com
