Ermənistanda icma başçısını və polis əməliyyatçısını öldürən şəxs saxlanılıb

Ermənistanda müxalif siyasətçi, Parakar icmasının rəhbəri Volodya Qriqoryanın və onun dostu, polis Karen Abramyanın qətlinin üstü açılıb.

Paraqraf.com “Sputnik Ermənistan”a istinadən xəbər verir ki, bu barədə ölkənin Daxili İşlər Nazirliyi məlumat yayıb.

Məlumata görə, daha bir şəxs saxlanılıb, o, atəş açdığını etiraf edib.

Xatırladaq ki, sentyabrın 26-da sözügedən cinayət işi şübhəli şəxs qismində bir nəfər saxlanılmışdı.

Qeyd edək ki, sentyabrın 24-nə keçən gecə “Aprelu Yerkir” partiyasının üzvü Volodya Qriqoryan evinin qarşısında güllələnərək öldürülüb. Hücum zamanı onun polis dostu Karen Abramyan da həlak olub.

Partiyanın lideri hazırda Bakıda həbsdə olan Ruben Vardanyandır.

Paraqraf.com