Zərgərlik mağazasından 1 milyonluq oğurluq etdilər

ABŞ-nin Kaliforniya ştatında 25 nəfərlik dəstə zərgərlik mağazasına basqın edib.

Paraqraf.com “BBC”yə istinadən xəbər verir ki, hadisə San-Ramon yaşayış məntəqəsində qeydə alınıb.

Mağazaya daxil olan silahlı şəxslərin bir qismi satıcıları tapança ilə qorxudub, digərləri isə vitrinlərin şüşələrini sındıraraq zinət əşyalarını götürüb.

Həmin şəxslər daha sonradan 6 avtomobillə hadisə yerindən uzaqlaşıblar.

Hadisə zamanı ümumilikdə 1 milyon dollar dəyərində zərgərlik nümunələri oğurlanıb. Mağazaya basqın edən şəxslərdən 7-si artıq saxlanılıb.

Paraqraf.com