“Düşünürəm ki, Prezident Tramp dünyada kimsədən daha çox vaxt və enerji sərf edərək sülhün təmin olunması üçün təkliflər və təşəbbüslərlə çıxış edib və bu istiqamətdə böyük uğurlar əldə edib”.
Paraqraf.com xəbər verir ki, bunu ABŞ dövlət katibi Marko Rubio Nyu-Yorkda “Fox and Friends” verilişinə verdiyi müsahibədə deyib.
“Unutmayaq ki, Konqo ilə Ruanda arasında müharibə gedirdi və məhz Prezident Tramp bu münaqişədə vasitəçilik etdi. Azərbaycan–Ermənistan məsələsi də Prezident Donald Trampın sayəsində həllini tapdı. Elə Prezident Tramp Taylandla Kamboca, Hindistanla Pakistan arasındakı münaqişələrə də son qoydu. Bunlar son bir neçə ayda baş verənlərin cəmi dörd nümunəsidir. Bunu edən ABŞ prezidenti oldu, başqa hansısa dünya lideri və ya BMT yox”, – Rubio vurğulayıb.
Türkanə Səfərova, Paraqraf.com
