Masallı rayonunda 69 yaşlı yaşlı qadın balta ilə öldürülüb.

Paraqraf.com-un məlumatına görə, hadisə rayonun Şıxlar kəndində qeydə alınıb.

1957-ci il təvəllüdlü Elmira Əmənovanın meyiti yaşadığı evdə aşkarlanıb. Hüquq-mühafizə orqanlarının əməkdaşları hadisə yerini müayinə ediblər. İlkin ehtimala əsasən, hadisə qarət məqsədi ilə törədilib.

Fakt üzrə rayon prokurorluğunda araşdırma aparılır.

Paraqraf.com 

The post Masallıda 69 yaşlı qadın balta ilə qətlə yetirilib appeared first on PARAQRAF.COM.

The post Masallıda 69 yaşlı qadın balta ilə qətlə yetirilib appeared first on PARAQRAF.COM.

Şüvəlanda dənizdə çimən şəxs boğularaq ölüb.

Paraqraf.com xəbər verir ki, Şüvəlan qəsəbə sakini, 1960-cı il təvəllüdlü Şirzad Baba oğlu Əliyev qəsəbənin ərazisində dənizdə çimərkən boğulüb.

Ş.Əliyevin meyiti sudan çıxarılıb.

Araşdırmalar rayon prokurorluğu tərəfindən aparılır.

Paraqraf.com 

The post Şüvəlanda dənizdə çimən şəxs boğularaq ölüb appeared first on PARAQRAF.COM.

The post Şüvəlanda dənizdə çimən şəxs boğularaq ölüb appeared first on PARAQRAF.COM.

Bakl-Qazax əsas magistral yolunda ildırım vuran yük maşını yanıb.

Paraqraf.com xəbər verir ki, hadisə Ağdaş rayonunun Ləki kəndi ərazisindən keçən hissəsində qeydə alınıb.

Sürücü Nurlan Allahverdiyevin idarə etdiyi “DAF” markalı yük avtomobilndə ildırım vurması nəticəsində yanğın baş verib.

Avtomobilin yanar konstruksiyaları və yük hissəsindəki soyuducular yanıb.

Faktla bağlı araşdırma aparılır.

Paraqraf.com 

The post Bakı-Qazax magistralında ildırım vuran yük maşını yanıb appeared first on PARAQRAF.COM.

The post Bakı-Qazax magistralında ildırım vuran yük maşını yanıb appeared first on PARAQRAF.COM.

Gəncədə 63 yaşlı kişi qətlə yetirilib.

Paraqraf.com-un məlumatına görə, hadisə Əliağa Şıxlinski küçəsində baş verib.

1963-cü il təvəllüdlü Fazil Əliyev kəsici-deşici alətlə qətlə yetirilib. Polis əməkdaşları tərəfindən keçirilən tədbirlərlə F. Əliyevi qətlə yetirməkdə şübhəli bilinən 29 yaşlı Ramazan Əliyev saxlanılaraq istintaqa təhvil verilib. Onun F. Əliyevin qardaşı oğlu olduğu bildirilir.

İlkin məlumata görə, qohumlar arasında mülk üstündə narazılıq olub.

Faktla bağlı Gəncə Şəhər Prokurorluğunda araşdırma başlanılıb.

Paraqraf.com 

The post Gəncədə 63 yaşlı kişi qətlə yetirilib, şübhəli kimi qardaşı oğlu saxlanılıb appeared first on PARAQRAF.COM.

The post Gəncədə 63 yaşlı kişi qətlə yetirilib, şübhəli kimi qardaşı oğlu saxlanılıb appeared first on PARAQRAF.COM.

Bakıda obyekt yanıb.

Bu barədə Paraqraf.com-a Fövqəladə Hallar Nazirliyindən məlumat verilib.

Bildirilib ki, “112” qaynar telefon xəttinə Bakı şəhəri, Nərimanov rayonu, Elşad Quliyev küçəsində yerləşən obyektdə yanğın baş verməsi barədə məlumat daxil olub.

Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Baş vermiş yanğın genişlənməsinə imkan verilmədən qısa müddətdə tam söndürülüb.

The post Nərimanovda baş verən yanğın söndürülüb appeared first on PARAQRAF.COM.

The post Nərimanovda baş verən yanğın söndürülüb appeared first on PARAQRAF.COM.

Naxçıvan Muxtar Respublikası (MR) Culfa şəhərində çoxmərtəbəli yaşayış binasında baş verən yanğın zamanı iki nəfər xəsarət alıb.

Paraqraf.com-un məlumatına görə, hadisə şəhərdəki beşmərtəbəli yaşayış binasının ikinci mərtəbəsində qeydə alınıb.

Hadisə yerinə aidiyyəti qurumların əməkdaşları cəlb olunub, yanğın söndürülüb.

Yanğın nəticəsində xəsarət alan iki nəfər Culfa Rayon Mərkəzi Xəstəxanasına çatdırılıb, vəziyyətləri normal qiymətləndirilir.

Faktla bağlı araşdırma aparılır.

Paraqraf.com 

The post Culfada yaşayış binasında yanğın olub, iki nəfər xəsarət alıb appeared first on PARAQRAF.COM.

The post Culfada yaşayış binasında yanğın olub, iki nəfər xəsarət alıb appeared first on PARAQRAF.COM.

Bakıda “Qazel”lə motosiklet toqquşması nəticəsində bir nəfər ölüb.

Paraqraf.com xəbər verir ki, hadisə paytaxtın Xəzər rayonunda qeydə alınıb.

1985-ci il təvəllüdlü Qurbanov Rafiz İbrahimxəlil oğlu idarə etdiyi “Qazel” markalı avtomobillə hərəkətdə olarkən 2008-ci il təvəllüdlü Məhəmməd Mirzə Arif oğlunun idarə etdiyi “Tufan” markalı motosikletlə toqquşub. Nəticədə sərnişin Məmmədov Nihat Elmar oğlu xəsarət almış, sürücü – Mirzə Məhəmməd aldığı xəsarətlərdən ölüb.

Faktla bağlı cinayət işi başlanılaraq istintaq aparılır.

Paraqraf.com 

The post Bakıda “Qazel”lə motosiklet toqquşub, ölən var appeared first on PARAQRAF.COM.

The post Bakıda “Qazel”lə motosiklet toqquşub, ölən var appeared first on PARAQRAF.COM.

Daşkəsəndə güclü sel kənd yollarına və təsərrüfata ziyan vurub.

Paraqraf.com-un məlumatına görə, təbiət hadisəsi nəticəsində Quşçu kənd sakini Təhməz Rzayevə məxsus 77 baş xırdabuynuzlu heyvan tələf olub.

Hadisə Zəylik kəndi istiqamətinə gedən yolun kənarında yerləşən yataqda baş verib. Bundan başqa sözügedən və digər kəndlərin yollarından da sel keçib.

Bundan başqa sel Gəncə-Daşkəsən yoluna palçıq və çınqıl gətirib. Hazırda yolda aidiyyatı qurumlar tərəfindən iş aparılır, yolun təmizlənməsi həyata keçirilir.

Eyni zamanda sel nəticəsində Quşçu kəndində bir neçə evə və həyətyanı sahəyə su dolub. Hazırda komissiya tərəfindən kəndə dəymiş ziyanla bağlı baxış keçirilir.

Qeyd edək ki, gecə Gəncə şəhəri və ətraf rayonlara ciddi yağış yağıb, sel gəlib.

Paraqraf.com 

The post Daşkəsəndə sel 70-dən çox xırdabuynuzlu heyvanı tələf edib, evlərə ziyan vurub appeared first on PARAQRAF.COM.

The post Daşkəsəndə sel 70-dən çox xırdabuynuzlu heyvanı tələf edib, evlərə ziyan vurub appeared first on PARAQRAF.COM.

İyunun 9-da polis əməkdaşları paytaxt və respublikanın ayrı-ayrı rayonlarında 1 avtomat silahı, 4 tüfəng, 1 patron darağı və 39 ədəd patron aşkar edərək götürüblər.

Bu barədə Paraqraf.com-a Daxili İşlər Nazirliyindən məlumat verilib.

DİN-in əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir.

Paraqraf.com 

The post Qanunsuz saxlanılan silahlar aşkarlanıb appeared first on PARAQRAF.COM.

The post Qanunsuz saxlanılan silahlar aşkarlanıb appeared first on PARAQRAF.COM.

Bakının Nəsimi rayonunun A.S.Puşkin küçəsində (Səməd Vurğun abidəsinin qarşısı, Dilarə Əliyeva küçəsi ilə kəsişmənin yaxınlığı) yolun bir hissəsi çöküb.

Paraqraf.com Caliber.az-a istinadən xəbər verir ki, nəticədə ərazidə böyük çuxur yaranıb.

Ərazi artıq Azərbaycan Dövlət Su Ehtiyatları Agentliyinin əməkdaşları tərəfindən hasara alınıb və yolun çökmüş hissəsində təmir işlərinə başlanılacaq.

Paraqraf.com 

The post Bakının mərkəzində yolda çökmə: İri çuxur yarandı appeared first on PARAQRAF.COM.

The post Bakının mərkəzində yolda çökmə: İri çuxur yarandı appeared first on PARAQRAF.COM.

Ələt-Astara avtomobil yolunun Salyan rayonunun Kürsəngi kəndi ərazisindən keçən hissəsində “Hyundai” markalı avtomobilin sürücüsü Əjdər Şıxməmmədov Baş Dövlət Yol Polisi İdarəsinin YPX Alayının əməkdaşları tərəfindən saxlanılıb.

Paraqraf.com xəbər verir ki, bu barədə Baş Dövlət Yol Polisi İdarəsi (BDYPİ) məlumat yayıb.

Bildirilib ki, araşdırma zamanı sürücünün narkotik vasitənin təsiri altında olmasına əsaslı şübhələr yarandığından onun tibbi müayinədən keçməsi təmin edilib və fakt təsdiqini tapıb.

“Bununla yanaşı, avtomobildə gedən sərnişinlərdən birindən narkotik vasitələr aşkar edilib. Hər iki şəxs barəsində qanunamüvafiq tədbirlər görülüb.

Baş Dövlət Yol Polisi İdarəsi narkotik vasitələrin təsiri altında sükan arxasına əyləşərək digər hərəkət iştirakçılarının həyatına təhlükə yaradan şəxslərdən hüquqazidd əməllərə son qoymağı tələb edir, bu, eləcə də digər qanunsuz hallara qarşı daha kəsərli tədbirlərin görüləcəyini bildirir”, – deyə məlumatda vurğulanıb.

Paraqraf.com 

The post Narkotikin təsiri altında olan sürücü və sərnişin saxlanıldılar appeared first on PARAQRAF.COM.

The post Narkotikin təsiri altında olan sürücü və sərnişin saxlanıldılar appeared first on PARAQRAF.COM.

Rusiya hüquq-mühafizə orqanları Sankt-Peterburqda 18 il axtarışda olan azərbaycanlı Yusif Əliyevi saxlayıblar.

Paraqraf.com xəbər verir ki, bu barədə “Kommersant” nəşri Rusiya Daxili İşlər Nazirliyinin (DİN) Baş İdarəsindəki mənbəyə istinadən məlumat yayıb.

54 yaşlı şəxs 2008-ci ildən bir neçə maddə, o cümlədən iki və daha çox şəxsin öldürülməsi maddəsi ilə beynəlxalq axtarışda olub.

Ona qarşı həmçinin cinayətkar iyerarxiyada yüksək mövqe tutmaq ittihamı irəli sürülüb. Bu maddə üzrə onu 15 ilədək azadlıqdan məhrumetmə cəzası gözləyir.

Saxlanılmadan sonra istintaqın suallarını cavablandıran Yusif Əliyev bu müddətdə gizlənmədiyini, sadəcə Belarusda yaşadığını deyib.

Qeyd edək ki, Yusif Əliyev 2009-cu ilin martında hədə-qorxu ilə tələb etmə və adam oğurluğu şübhəsi ilə saxlanılıb. Saxlanılmadan qısa müddət sonra hüquq-mühafizə orqanları Yusif Əliyevi azadlığa buraxıb, o isə qaçıb gizlənib.

Paraqraf.com 

The post 18 il axtarışda olan azərbaycanlı Rusiyada saxlanıldı appeared first on PARAQRAF.COM.

The post 18 il axtarışda olan azərbaycanlı Rusiyada saxlanıldı appeared first on PARAQRAF.COM.

Bakıda evdən qadın meyiti aşkarlanıb.

Paraqraf.com Oxu.az-a istinadən xəbər verir ki, hadisə iyunun 9-da gecə saatlarında paytaxtın Binəqədi rayonu, Biləcəri qəsəbəsində baş verib.

Şəhər sakini, 1976-cı il təvəllüdlü Aytəkin Kərimovanın meyiti yaşadığı evdə tapılıb. Hüquq-mühafizə orqanları hadisə yerinə və meyitə baxış keçiriblər. Meyitin üzərində zorakılıq əlamətləri aşkar edilməyib. İlkin ehtimala görə, qadın ürək çatışmazlığından dünyasını dəyişib.

Faktla bağlı araşdırma aparılır.

Paraqraf.com 

The post Biləcəridə 50 yaşlı qadının meyiti tapıldı appeared first on PARAQRAF.COM.

The post Biləcəridə 50 yaşlı qadının meyiti tapıldı appeared first on PARAQRAF.COM.

Bakı Dövlət Universitetinin (BDU) Tarix fakültəsinin Avropa və Amerika ölkələrinin yeni və müasir tarixi kafedrasının dosenti Tariel Abbasov vəfat edib.

Paraqraf.com xəbər verir ki, bu barədə universitetdən məlumat verilib.

Bildirilib ki, Tariel Abbasov 1970-ci ildə Bakı şəhərində anadan olub. O, 1986–1991-ci illərdə BDU-nun Tarix fakültəsində ali təhsil alıb.

Əmək fəaliyyətinə Bakının Yasamal rayonundakı 20 nömrəli tam orta məktəbdə tarix müəllimi kimi başlayan T.Abbasov sonradan Qərb Universitetinin hazırlıq fakültəsində və Politologiya kafedrasında baş müəllim vəzifəsində çalışıb. O, eyni zamanda həmin ali təhsil müəssisəsinin İşgüzar inzibatçılıq fakültəsində dekan müavini olub.

1994-cü ildə Milli Təhlükəsizlik Nazirliyində (keçmiş MTN) hərbi xidmətə qəbul edilən Tariel Abbasov 2009-cu ildə ehtiyata buraxılıb.

Paraqraf.com 

The post Keçmiş MTN zabiti 56 yaşında öldü appeared first on PARAQRAF.COM.

The post Keçmiş MTN zabiti 56 yaşında öldü appeared first on PARAQRAF.COM.

Xaçmaz rayonunda uzunqulaq dişləyən 70 yaşlı kişi ölüb.

Paraqraf.com Apa-ya istinadən xəbər verir ki, hadisə rayonun Yergüc kəndində baş verib.

Kənd sakini, 1956-cı il təvəllüdlü Murad Əsfəndiyarovun meyiti müayinə olunmaq üçün Xaçmaz rayon Məhkəmə Tibbi Ekspertiza və Patoloji Anatomiya Birliyinin şöbəsinə aparılıb.

Məlumata əsasən, M.Əsfəndiyarovu bir həftə əvvəl kənd ərazisində uzunqulaq dişləyib. Bir müddət ev şəraitində müalicə alan şəxsin bu gün vəfat etdiyi bildirilir.

Paraqraf.com 

The post Uzunqulaq dişləyən 70 yaşlı kişi ölüb appeared first on PARAQRAF.COM.

The post Uzunqulaq dişləyən 70 yaşlı kişi ölüb appeared first on PARAQRAF.COM.

Yevlaxda qadın ölü döl doğub.

Paraqraf.com xəbər verir ki, iyunun 9-u saat 01 radələrində Kövər kənd sakini 2006-cı il təvəllüdlü Səkinə Süleyman qızı Cəfərova hamiləliyi ilə əlaqədar xəstəxanaya müraciət edib və doğuş zamanı döl bətnində ölüb.

Faktla bağlı araşdırma aparılır.

Paraqraf.com 

The post Yevlaxda körpə ölümü qeydə alınıb appeared first on PARAQRAF.COM.

The post Yevlaxda körpə ölümü qeydə alınıb appeared first on PARAQRAF.COM.

Bakıda mebel sexinin fəaliyyəti dayandırılıb.

Bu barədə Paraqraf.com-a Fövqəladə Hallar Nazirliyi (FHN) məlumat yayıb.

Bildirilib ki, nazirliyin Dövlət Yanğın Nəzarəti Xidməti tərəfindən Yasamal rayonu, Mikayıl Müşfiq küçəsində yerləşən mebel sexində keçirilən yoxlama zamanı yanğın təhlükəsizliyi sahəsində bir sıra nöqsanlar aşkar edilib.

Məlumatda qeyd edilib ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək.

Qeyd olunanları nəzərə alaraq, yanğın təhlükəsizliyi norma və qaydalarının tələblərinin kobud pozulması faktları aşkar edilmiş Yasamal rayonu, Mikayıl Müşfiq küçəsində yerləşən mebel sexinin fəaliyyətinin dayandırılması barədə Qərar qəbul olunub və Qərarın bir nüsxəsi obyektin nümayəndəsinə təqdim edilib.

Paraqraf.com 

The post Bakıda mebel sexinin fəaliyyəti dayandırılıb appeared first on PARAQRAF.COM.

The post Bakıda mebel sexinin fəaliyyəti dayandırılıb appeared first on PARAQRAF.COM.

Bakıda piyadanın ölümü ilə nəticələnən yol-nəqliyyat hadisəsi baş verib.

Paraqraf.com xəbər verir ki, Məmmədova Şəfəq Fərman qızı idarə etdiyi “Mazda” markalı avtomobillə Nəsimi rayonu, Cavadxan 23 ünvanında hərəkətdə olarkən piyada Əliyeva Arzu Əhməd qızını vurub.

Piyada aldığı xəsarətlərdən hadisə yerində ölüb.

Faktla bağlı cinayət işi başlanılaraq istintaq aparılır.

Paraqraf.com 

The post Bakıda qadın sürücü piyadanı vuraraq öldürüb appeared first on PARAQRAF.COM.

The post Bakıda qadın sürücü piyadanı vuraraq öldürüb appeared first on PARAQRAF.COM.

Xəzər dənizində 3 maqnitudalı zəlzələ qeydə alınıb.

Paraqraf.com xəbər verir ki, bu barədə AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu məlumat yayıb.

Bildirilib ki, zəlzələ yerli vaxtla 08:55-də baş verib.

Zəlzələ ocağı 48 kilometr dərinlikdə yerləşib.

Paraqraf.com 

The post Xəzər dənizində zəlzələ olub appeared first on PARAQRAF.COM.

The post Xəzər dənizində zəlzələ olub appeared first on PARAQRAF.COM.

Sumqayıtda avtomobilin vuraraq öldürdüyü piyadanın kimliyi məlum olub.

Paraqraf.com xəbər verir ki, 1973-cü il təvəllüdlü Sumqayıt şəhər sakini Cavanşirli Ehtiram Cavanşir oğlu idarə etdiyi “Toyota Prius” markalı avtomobillə Quba-Bakı yolunun Sumqayıt şəhərindən keçən 33-34-cü kilometrliyində hərəkətdə olarkən piyada 1969-cu il təvəllüdlü Məmmədov Arif Hüseynqulu oğlunu vurub.

Nəticədə piyada aldığı xəsarətlərdən hadisə yerində ölüb.

Faktla bağlı cinayət işi başlanaraq ibtidai istintaq aparılır.

Paraqraf.com 

The post Sumqayıtda avtomobilin vuraraq öldürdüyü piyadanın kimliyi məlum olub appeared first on PARAQRAF.COM.

The post Sumqayıtda avtomobilin vuraraq öldürdüyü piyadanın kimliyi məlum olub appeared first on PARAQRAF.COM.

Yevlaxda 91 yaşlı qadın yanaraq ölüb.

Paraqraf.com xəbər verir ki, 1935-ci il təvəllüdlü, Xaldan qəsəbəsində tək yaşayan Əhmədova Zümrüd Sabit qızı yaşadığı evin həyətyanı sahəsində su qızdırmaq üçün ocaq yandıran zaman üzərində olan geyimlərinin yanması nəticəsində müxtəlif dərəcəli yanıq xəsarətləri alıb.

Ahıl qadın xəstəxanaya yerləşdirilsə də, orada ölüb.

Faktla bağlı Yevlax rayon prokurorluğunda araşdırma aparılır.

Paraqraf.com 

The post Yevlaxda 91 yaşlı qadın yanaraq ölüb appeared first on PARAQRAF.COM.

The post Yevlaxda 91 yaşlı qadın yanaraq ölüb appeared first on PARAQRAF.COM.

İrandan Azərbaycana 32 kq narkotik keçirilməsinin qarşısı alınıb.

Bu barədə Paraqraf.com-a Dövlət Sərhəd Xidmətindən məlumat verilib.

Bildirilib ki, Sərhəd Qoşunları Komandanlığının “Lənkəran” sərhəd dəstəsinin xidməti ərazisində keçirilmiş sərhəd axtarışı və əməliyyat tədbirləri nəticəsində ümumi çəkisi 32 kiloqram 365 qram narkotik vasitə (27 kiloqram 65 qram marixuana, 5 kiloqram 300 qram heroin) və 7200 ədəd psixotrop tərkibli Metadon M-40 həbinin İrandan Azərbaycana keçirilməsinin qarşısı alınıb.

Fakt üzrə əməliyyat-istintaq tədbirləri davam etdirilir.

Paraqraf.com 

The post İrandan Azərbaycana 32 kq narkotik keçirilməsinin qarşısı alınıb appeared first on PARAQRAF.COM.

The post İrandan Azərbaycana 32 kq narkotik keçirilməsinin qarşısı alınıb appeared first on PARAQRAF.COM.

Abşeron rayonunda sürücülər arasında baş verən insident araşdırılıb.

Bu barədə Paraqraf.com-a Daxili İşlər Nazirliyindən məlumat verilib.

Bildirilib ki, iyunun 7-də Abşeron rayonu Masazır qəsəbəsində “Mercedes Gelandewagen” və “Kia” markalı avtomobillərin sürücüləri arasında baş vermiş insidentlə bağlı polis əməkdaşları tərəfindən araşdırma aparılıb.

Araşdırmalarla “Mercedes” markalı, 77-UE-011 dövlət qeydiyyat nişanlı avtomobilin sürücüsü Ş.Həmzəyev müəyyən edilərək saxlanılıb. Həmin nəqliyyat vasitəsi cərimə meydançasına yerləşdirilib.

Sürücü barəsində qanunvericiliyə uyğun olaraq hüquqi məsuliyyət tədbirləri görülür.

Paraqraf.com 

The post Masazırda insident yaradan “Gelandewagen” sürücüsü məsuliyyətə cəlb edilib appeared first on PARAQRAF.COM.

The post Masazırda insident yaradan “Gelandewagen” sürücüsü məsuliyyətə cəlb edilib appeared first on PARAQRAF.COM.

Ağcabədidə 60 yaşlı kişi kimyəvi məhluldan zəhərlənərək ölüb.

Paraqraf.com xəbər verir ki, iyunun 8-də Ağcabədi şəhər sakini, ruhi xəstə, 1966-cı il təvəllüdlü Sərxan Savalan oğlu Şirinov kimyəvi məhluldan zəhərlənmə diaqnozu ilə xəstəxanaya yerləşdirilib və orada həyatını itirib.

Faktla bağlı Ağcabədi Rayon Prokurorluğu araşdırma aparır.

Paraqraf.com 

The post Ağcabədidə 60 yaşlı kişi kimyəvi məhluldan zəhərlənərək ölüb appeared first on PARAQRAF.COM.

The post Ağcabədidə 60 yaşlı kişi kimyəvi məhluldan zəhərlənərək ölüb appeared first on PARAQRAF.COM.

Azərbaycandan Gürcüstana qanunsuz keçmək istəyən Nigeriya vətəndaşı tutulub.

Bu barədə Paraqraf.com-a Dövlət Sərhəd Xidmətindən məlumat verilib.

Bildirilib ki, Sərhəd Qoşunlarının “Zaqatala” sərhəd dəstəsinin xidməti ərazisində həyata keçirilmiş əməliyyat-qoşun tədbirləri nəticəsində Azərbaycan Respublikasından Gürcüstan istiqamətinə dövlət sərhədini pozmağa cəhd göstərən Nigeriya Federativ Respublikası vətəndaşı – 1995-ci il təvəllüdlü Olabıyı Kazeem Adısa saxlanılıb.

Fakt üzrə əməliyyаt-istintaq tədbirləri dаvаm еtdirilir.

Paraqraf.com 

The post Azərbaycandan Gürcüstana qanunsuz keçmək istəyən Nigeriya vətəndaşı saxlanılıb appeared first on PARAQRAF.COM.

The post Azərbaycandan Gürcüstana qanunsuz keçmək istəyən Nigeriya vətəndaşı saxlanılıb appeared first on PARAQRAF.COM.

Ötən həftə 443 yanğına çıxış olub.

Bu barədə Paraqraf.com-a Fövqəladə Hallar Nazirliyindən məlumat verilib.

Bildirilib ki, “112” qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən ötən həftə ərzində 443 yanğına çıxış, 44 halda köməksiz vəziyyətdə qalma və 3 avtonəqliyyat qəzası faktı üzrə qəza-xilasetmə əməliyyatları həyata keçirilib. Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.

Ümumilikdə, Fövqəladə Hallar Nazirliyinin qüvvələri tərəfindən ötən həftə ərzində 15-i azyaşlı olmaqla 58 nəfər xilas edilib, yanğınlar zamanı 15 nəfər təxliyə olunub, hadisələrlə bağlı 4 nəfər xəsarət alıb, 7 nəfərin meyiti təhvil verilib.

Paraqraf.com 

The post Ötən həftə 443 yanğın olub, 58 nəfər xilas edilib, 7 meyit aşkarlanıb appeared first on PARAQRAF.COM.

The post Ötən həftə 443 yanğın olub, 58 nəfər xilas edilib, 7 meyit aşkarlanıb appeared first on PARAQRAF.COM.

Zabratda yük maşını piyadanı vuraraq öldürüb.

Paraqraf.com xəbər verir ki, Sahil Səttar oğlu Abbasov idarə etdiyi “KamAZ” markalı avtomobillə Sabunçu rayonunun Zabrat qəsəbəsində yolu keçən piyada Nurlan Rafiq oğlu Əhmədovu vurub.

Nəticədə piyada aldığı xəsarətlərdən hadisə yerində ölüb.

Faktla bağlı cinayət işi başlanılıb, istintaq aparılır.

Paraqraf.com 

The post Zabratda “KamAZ” piyadanı vuraraq öldürüb appeared first on PARAQRAF.COM.

The post Zabratda “KamAZ” piyadanı vuraraq öldürüb appeared first on PARAQRAF.COM.

İmişli rayon sakini Araz çayında boğulub.

Paraqraf.com-un məlumatına görə, hadisə Araz çayının İmişlinin Rəsullu və Məhəmmədli kəndləri ərazisindən keçən hissəsində qeydə alınıb.

Belə ki, rayon sakini T. Mirişov çaya düşərək boğulub.

Hazırda onun axtarışları aparılır. Onun 11-ci sinif şagirdi olduğu bildirilir.

Paraqraf.com 

The post İmişli sakini Araz çayına düşərək boğulub appeared first on PARAQRAF.COM.

The post İmişli sakini Araz çayına düşərək boğulub appeared first on PARAQRAF.COM.

Abşeronda qadını elektrik cərəyanı vuraraq öldürüb.

Paraqraf.com xəbər verir ki, Qobu qəsəbə sakini 1984-cü il təvəllüdlü Könül Nüsrət qızı Qurbanovanı yaşadığı evdə elektrik cərəyanı vurması nəticəsində ölüb.

Araşdırma aparılır.

Paraqraf.com 

The post Abşeronda 42 yaşlı qadını elektrik cərəyanı vuraraq öldürüb appeared first on PARAQRAF.COM.

The post Abşeronda 42 yaşlı qadını elektrik cərəyanı vuraraq öldürüb appeared first on PARAQRAF.COM.

Bakıda 3 yaşlı körpə 8-ci mərtəbədən yıxılıb.

Paraqraf.com xəbər verir ki, iyunun 7-si saat 01 radələrində 2023-cü il təəllüdlü M.Ə Xətai rayonu Xocalı prospektində çoxmərtəbəli binanın 8-ci mərtəbəsindən yıxılaraq ikinci mərtəbədə dam örtüyünün üzərinə düşüb.

Xəstəxanaya yerləşdirilmiş M.Əsgərlinin vəziyyəti ağırdır.

Faktla bağlı araşdırma aparılır.

Paraqraf.com 

The post Bakıda üç yaşlı körpə 8-ci mərtəbədən yıxılıb appeared first on PARAQRAF.COM.

The post Bakıda üç yaşlı körpə 8-ci mərtəbədən yıxılıb appeared first on PARAQRAF.COM.

Nərimanov rayonunda 6 kq narkotik vasitə aşkarlanıb.

Bu barədə Paraqraf.com-a Daxili İşlər Nazirliyindən məlumat verilib.

Bildirilib ki, Nərimanov Rayon Polis İdarəsinin əməkdaşları tərəfindən narkotik vasitələrin qanunsuz dövriyyəsinə qarşı əməliyyat keçirilib. Tədbir zamanı 27 yaşlı Paşa Bayramov və onunla əlbir olan 46 yaşlı qadın saxlanılıb. Onlardan 6 kiloqramdan artıq narkotik vasitə marixuana və tiryək aşkarlanıb.

Araşdırma zamanı saxlanılanların narkotikləri paytaxt ərazisində ayrı-ayrı ünvanlara yerləşdirərək satışını təşkil etməyi planlaşdırdıqları məlum olub.

Faktla bağlı cinayət işi başlanılıb.

Məhkəmənin qərarı ilə hər iki şəxs barəsində həbs qətimkan tədbiri seçilib. Araşdırmalar davam etdirilir.

The post Bakıda narkokuryerlikdə şübhəli bilinən qadın saxlanılıb appeared first on PARAQRAF.COM.

The post Bakıda narkokuryerlikdə şübhəli bilinən qadın saxlanılıb appeared first on PARAQRAF.COM.

Son iki gün ərzində ölkə ərazisində avtomobillə 6 piyada vurulub, onlardan 4-ü ölüb.

Bu barədə Paraqraf.com-a Baş Dövlət Yol Polisi İdarəsindən (BDYPİ) məlumat verilib.

Bildirilib ki, piyadaların vurulması nəticəsində 4 nəfər həlak olub, 2 nəfər isə xəsarət alıb.

Paraqraf.com 

The post Son iki gündə ölkədə avtomobillə 6 piyada vurulub, 4-ü ölüb appeared first on PARAQRAF.COM.

The post Son iki gündə ölkədə avtomobillə 6 piyada vurulub, 4-ü ölüb appeared first on PARAQRAF.COM.

Goranboy rayonunda iki nəfərin ölümü ilə nəticələnən avtomobil qəzası baş verib.

Paraqraf.com-un məlumatına görə, hadisə rayonun Səmədabad kəndinin ərazisində qeydə alınıb.

“VAZ-2107” və “VAZ-2106” markalı avtomobillərin toqquşması nəticəsində iki nəfər ölüb, bir neçə nəfər xəsarət alıb. Onlar yaxınlıqda yerləşən xəstəxanalardan birinə yerləşdiriliblər.

Hadisənin səbəbləri araşdırılır.

Paraqraf.com 

The post Goranboyda avtomobil qəzasında iki nəfər ölüb, xəsarət alanlar var appeared first on PARAQRAF.COM.

The post Goranboyda avtomobil qəzasında iki nəfər ölüb, xəsarət alanlar var appeared first on PARAQRAF.COM.

Sumqayıtda bədbəxt hadisə baş verib.

Paraqraf.com məlumat verir ki, hadisə şəhərin “Betonzavod” adlanan ərazisində qeydə alınıb.

Belə ki, 59 yaşlı Hilal Həsənov ağacdan tut yığarkən yıxılıb. Ağır xəsarətlər alan şəxs hadisə yerində həyatını itirib.

Faktla bağlı araşdırma aparılır.

Paraqraf.com 

The post Sumqayıtda 59 yaşlı kişi ağacdan yıxılaraq ölüb appeared first on PARAQRAF.COM.

The post Sumqayıtda 59 yaşlı kişi ağacdan yıxılaraq ölüb appeared first on PARAQRAF.COM.

Naxçıvan şəhərində yeddi yaşlı uşaq su kanalında boğularaq ölüb.

Paraqraf.com xəbər verir ki, hadisə Qaraxanbəyli kəndi ərazisində baş verib.

Belə ki, 2019-cu il təvəllüdlü Q.E. kənd ərazisində velosiped sürərkən ehtiyatsızlıqdan su kanalına düşüb. O, sudan çıxarılaraq Naxçıvan Muxtar Respublika Xəstəxanasına çatdırılsa da, həyatını xilas etmək mümkün olmayıb.

Hadisə yerinə hüquq-mühafizə orqanlarının əməkdaşları cəlb edilib.

Faktla bağlı araşdırma aparılır.

Paraqraf.com 

The post Naxçıvanda yeddi yaşlı uşaq su kanalında boğularaq ölüb appeared first on PARAQRAF.COM.

The post Naxçıvanda yeddi yaşlı uşaq su kanalında boğularaq ölüb appeared first on PARAQRAF.COM.

Kəlbəcər rayonu ərazisində Azərbaycan Ordusunun hərbçisi həlak olub.

Paraqraf.com Oxu.az-a istinadən xəbər verir ki, gizir Rəcəb Mənsimli xidmət zamanı baş verən hadisə nəticəsində həyatını itirib.

İlkin məlumata əsasən, hadisə Kəlbəcərdə yerləşən Ömər aşırımı istiqamətində qeydə alınıb.

Bildirilir ki, R.Mənsimli aşırımda yıxılan əsgərə kömək etmək üçün gedib, həmin əsgər xilas edilib, özü isə həyatını itirib.

Gizir Rəcəb Mənsimli bu gün Yardımlı rayonunun Zevin kəndində torpağa tapşırılıb. Onun ailəli olduğu bildirilir, övladı olmayıb.

Məsələ ilə bağlı Müdafiə Nazirliyinə sorğu ünvanlanıb.

Paraqraf.com 

The post Azərbaycan Ordusunun hərbçisi həlak olub appeared first on PARAQRAF.COM.

The post Azərbaycan Ordusunun hərbçisi həlak olub appeared first on PARAQRAF.COM.

Xəzər rayonu, Binə qəsəbəsi ərazisində mağazada yanğın olub.

Paraqraf.com xəbər verir ki, bu barədə Fövqəladə Hallar Nazirliyi məlumat yayıb.

Yanğınsöndürənlərin müdaxiləsi sayəsində ümumi sahəsi 200kv.m. olan tikinti materiallarının satışı mağazasında baş vermiş yanğın genişlənməsinə, o cümlədən bitişik yerləşən fərdi yaşayış evinə keçməsinə imkan verilmədən qısa müddətdə söndürülüb.

Yanğın nəticəsində mağazanın yanar konstruksiyaları 100kv.m. sahədə yanıb.

Mağazanın qalan hissəsi və bitişik ev yanğından mühafizə olunub.

Paraqraf.com 

The post Binədə mağaza yanıb appeared first on PARAQRAF.COM.

The post Binədə mağaza yanıb appeared first on PARAQRAF.COM.

Ötən gün paytaxt və respublikanın ayrı-ayrı rayonlarında 8 avtomat silahı, 2 tüfəng, 2 patron darağı və 548 ədəd müxtəlif çaplı patron aşkar edilərək götürülüb.

Bu barədə Paraqraf.com-a Daxili İşlər Nazirliyindən məlumat verilib.

Həmçinin narkotiklərlə əlaqəli 34, qanunsuz saxlanılan silah-sursatın götürülməsi və aşkarlanması ilə bağlı 9 fakt müəyyən edilib.

Paraqraf.com 

The post DİN: Ötən gün 10 silah aşkarlanaraq götürülüb appeared first on PARAQRAF.COM.

The post DİN: Ötən gün 10 silah aşkarlanaraq götürülüb appeared first on PARAQRAF.COM.

Bu gün saat 10:00 radələrində Lənkəran rayonunun Liman şəhəri, M. İbayev küçəsində aparılan qazıntı işləri zamanı diametri 225 millimetr olan ortatəzyiqli yeraltı qaz kəməri zədələnib.

Paraqraf.com xəbər verir ki, bu barədə Lənkəran Regional Qaz İstismarı İdarəsi məlumat yayıb.

Bildirilib ki, zədələnmə nəticəsində qaz sızması baş verib. Qəzanın aradan qaldırılması və təhlükəsizlik tədbirlərinin təmin olunması məqsədilə Liman şəhəri, Nərimanabad qəsəbəsi, Balıqçılar və Üzümçülük yaşayış məntəqələrinin qaz təchizatı müvəqqəti olaraq dayandırılıb.

Qeyd olunub ki, qəza-bərpa işləri başa çatdıqdan sonra abonentlərin qaz təchizatı mərhələli şəkildə bərpa olunacaq.

Paraqraf.com 

The post Qaz kəməri zədələndi – Abonentlər qazsız qaldı appeared first on PARAQRAF.COM.

The post Qaz kəməri zədələndi – Abonentlər qazsız qaldı appeared first on PARAQRAF.COM.

İrandan Azərbaycan istiqamətinə dövlət sərhədini pozmağa cəhd göstərən əcnəbilər saxlanılıb.

Paraqraf.com xəbər verir ki, bu barədə Dövlət Sərhəd Xidməti (DSX) məlumat yayıb.

Bildirilib ki, həmin şəxslər Əfqanıstan vətəndaşları – 1999-cu il təvəllüdlü Amini Del Aqa və 2003-cü il təvəllüdlü Rahimi Nazirgüldür.

Əməliyyat-qoşun tədbirləri DSX Sərhəd Qoşunlarının “Horadiz” sərhəd dəstəsinin xidməti ərazisində həyata keçirilib.

Fakt üzrə əməliyyаt-istintaq tədbirləri dаvаm еtdirilir.

Paraqraf.com 

The post Azərbaycan sərhədini pozmağa cəhd edən əcnəbilər saxlanılıb appeared first on PARAQRAF.COM.

The post Azərbaycan sərhədini pozmağa cəhd edən əcnəbilər saxlanılıb appeared first on PARAQRAF.COM.